20 МИНУТЫН ХОТ ГЭЖ ЮУ ВЭ?

Хотын иргэн бүр амьдрах, ажиллах, хөгжихөд шаардлагатай үйлчилгээг 20 минутын дотор алхаж хүрэх боломжтой хотыг "20 минутын хот" гэдэг.

Ийм хот нь:

- Алхахад таатай орчин (Walkability),

-Амьдрахад таатай орчин (Livability) бүрдүүлэх нь 20 минутын концепцийн үндсэн хоёр зарчим болдог аж.

Энэхүү ойлголтыг анх Австралийн Мельбурн хотод хэрэгжүүлж эхэлсэн бөгөөд хожим дэлхийн олон хотод өргөн хэрэглэх болжээ. Үүний зорилго нь хотын тээврийн хөгжлийг сайжруулах, хүмүүсийн амьдралын чанарыг дээшлүүлэх, байгаль орчинд ээлтэй хот байгуулах явдал юм.

20 минутын хотын концепцийг Колумбын гаралтай профессор Карлос Морено 2016 онд анх танилцуулсан. Тэрээр Парис хотын захирагч Анн Идалготой хамтран энэхүү санааг Парис хотын хөгжлийн бодлогод нэвтрүүлж, дэлхий дахинд түгээсэн юм. Парис хот энэхүү төслийг хэрэгжүүлж эхэлснээр хотын хурдацтай өөрчлөлтүүдийн нэг болсон бөгөөд явган хүний замууд, дугуйн замуудыг өргөтгөх, хөрш орчныг сайжруулах ажлыг эхлүүлсэн байдаг.

Түүнчлэн, 15 минутын хот нь дараах 6 гол элемент дээр суурилдаг:

Амьдрах газар (оршин сууц).

Ажиллах газар (ажлын байр).

Худалдан авах газар (дэлгүүр, зах).

Эрүүл мэнд, боловсролын үйлчилгээ (эмнэлэг, сургууль).

Соёл, амралтын орон зай (соёлын төв, парк, зугаа цэнгэлийн газар).

Тээврийн хүртээмж (явган хүний зам, дугуйн зам).

Жишээ хотууд:

Олон хотууд 15 минутын хотын концепцийг хэрэгжүүлэх талаар ажиллаж байна:

Франц - Парис: Хотын төвийг автомашинаас чөлөөлж, дугуйн замуудыг ихээхэн өргөтгөсөн.

Австрали - Мельбурн : Оршин суугчдад ойролцоох үйлчилгээгээ хүргэх хөршийн төвүүдийг байгуулах төслийг эхлүүлсэн.

Испани - Барселона: "Суперблок" төслийг хэрэгжүүлж, хөрш дундах гудамжнуудыг автомашинаас чөлөөлсөн.

АНУ- Портланд,: Хорооллын төвүүдийг хүчирхэгжүүлэх хөтөлбөрийг хэрэгжүүлж байна.

Давуу талууд:

Оршин суугчдын цаг хугацаа, мөнгийг хэмнэнэ.

Хотын ногоон байгууламж болон байгальд ээлтэй тээврийн хэрэгслийн хэрэглээг нэмэгдүүлнэ.

Хөршийн харилцаа сайжирч, олон нийтийн оролцоо идэвхжинэ.

Эрүүл мэнд, амьдралын чанарыг сайжруулна.

Бэрхшээлүүд:

Хотын одоогийн төлөвлөлтийг шинэчлэхэд ихээхэн хөрөнгө оруулалт шаардагдана.

Зарим бүс нутагт тэгш бус байдал үүсч болзошгүй.

Иргэдийн амьдралын хэв маяг, хотын дүр төрхтэй зөрчилдөх магадлалтай.

15 минутын хот төслийг хэрэгжүүлэх нь ирээдүйн тогтвортой хотуудад чухал алхам болж байна.