СТ-1, СТ-2, СТ-3 дугаар байрны дахин төлөвлөлтийн төслийн хүрээнд гурван талт уулзалтыг зохион байгууллаа

Сонгинохайрхан дүүргийн 18 дугаар хорооны СТ-1, СТ-2, СТ-3 дугаар байрны дахин төлөвлөлтийн төслийн хүрээнд гурван талт уулзалтыг зохион байгууллаа.

Үнэлгээний хорооны шийдвэр, тэр дундаа сууц өмчлөгчдийн саналыг үндэслэн уг төслийн гүйцэтгэгчээр “Престик Трейд” ХХК шалгарсан билээ.

Уулзалтын үеэр төсөл хэрэгжүүлэгчээс шинээр баригдах орон сууцны зураг төсөл, хэрэгжилтийн үе шат, төлөвлөгөөг танилцуулж, иргэдээс ирүүлсэн санал, хүсэлтийг бодитой тусган хэрэгжүүлэхээ илэрхийлэн, төслийн ажлыг эхлүүлэхэд бэлэн байгаагаа мэдэгдлээ.